Ҳайвонот ва ўсимлик дунёсини асраш ва улардан оқилона фойдаланиш бўйича республика давлат инспекцияси (Давбионазорат) чегара ва божхона органлари ходимлари билан биргаликда март—апрель ойларида Ўрта Осиё тошбақалари(Testudo (Agrionemys) horsfieldii)ни ноқонуний равишда Ўзбекистон ҳудудидан ташқарига чиқариб, бошқа жойга юбориш бўйича бир нечта уринишларга чек қўйди. Бу ҳақда Табиатни муҳофаза қилиш давлат қўмитасига таяниб, «Газета.uz» хабар берди.
Тезкор тадбирлар давомида жами 2949 та ноёб тошбақа мусодара қилинди. Уларнинг барчаси ушбу турни сақлаш учун зарур шароитларга эга махсус қўриқхонага топширилди.
Фанлар академияси тавсияларига кўра, қутқарилган тошбақаларнинг бир қисми табиий яшаш муҳитига қўйиб юборилади.
Изоҳ (0)