Киев ҳайвонот боғида 58 ёшли бегемот оламдан ўтди. Улар учун бу сана инсонлар ўртасидаги 100 ёшга тўғри келади. Бу ҳақда боғнинг Facebook’даги саҳифасида маълум қилинган, дея хабар беради «Корреспондент.net».
«Дунёдаги энг қари бегемот — бизнинг Брестамиз уйқусида тинчгина қазо қилди», — дейилади хабарда. Ўлимидан бир ярим ой аввал ҳам жонивор мустақил ҳаракатланар, овқатланар, ҳатто сув шланги билан ўйнашарди.
«Киев ҳайвонот боғи кекса ёшдаги ҳайвонлар кўплиги билан ажралиб туради. Кўп йиллардан бери яшаб келаётган жониворлар биз учун қадрдон ва дунё фани учун қизиқарли бўлиб қолади. Шу сабабли мутахассисларимиз бошқа ҳайвонот боғларидаги ҳамкасблар учун кекса ёшдаги ҳайвонларга қаров ва даволаш бўйича тавсиялар тайёрлайди», — дея маълум қилган боғ матбуот хизмати.
Изоҳ (0)