Африканинг Руанда давлати қишлоқларида RapidSMS маълумотлар базаси туфайли оналар ва чақалоқлар ўлимини учдан бирга қисқартиришга муваффақ бўлинди. Ҳомиладорликнинг кечишини кўнгиллилар эски мобил телефонлари кўмагида назорат қилмоқда, деб хабар беради Naked-science.
RapidSMS базаси 2009 йили ЮНИСЕФ кўмагида, ҳомиладор аёллар ва икки ёшгача бўлган болаларни кузатиш халқаро дастури доирасида яратилганди. Лойиҳанинг амалга оширилиши мижозлар ҳақида маълумотлар йиғилишини соддалаштиради ва чекка аҳоли пунктларида ҳам тиббий хизмат самарадорлигини оширади.
Оналар ҳолати ҳақидаги маълумот SMS орқали маълумотлар миллий базасига тўпланади. Улар «ҳомиладорлик тасдиқланган», «муаммо йўқ», «хавф мавжуд» каби маълумотларни билдирувчи оддий кодлардан иборат. Руандада қабилаларнинг махсус тайёргарликдан ўтган 45 мингга яқин вакиллари мазкур маълумотларга эга бўлмоқда.
Жаҳон банки маълумотларига кўра, RapidSMS ишга тушганидан бери минтақада 2009–2015 йиллар давомида болалар ўлими коэффициенти 47 дан 37,1 гача пасайган. Оналар ўлими эса ҳар 100 минг фарзанд туғилиши ҳолатига 411 дан 290 гача камайган.
Изоҳ (0)