Корнелл ва Стенфорд университети тадқиқотчилари лазерли кўрсатгич билан одамларга улар бажаришни унутган турли ҳаракатлар ҳақида эслата оладиган роботни яратди, деб ёзади N+.
Қурилма штативдан иборат бўлиб, унга Kinect чуқурлик датчиги ҳамда лазерли кўрсатгичга эга камера ўрнатилган. Kinect ва камера маълумотларини ўрганиш ҳамда кўрсатгични бошқариш билан ноутбук шуғулланади. Агар роботнинг кўриш майдонида киши қандайдир стандарт ҳаракатни амалга ошираётган бўлса, қурилма қолдириб кетилган ҳаракатларни аниқлаши ва етишмаётган хатти-ҳаракатга алоқадор буюмга лазерли кўрсатгични қаратиши мумкин.
Дастлаб робот бешта турли ошхона ва саккизта офисда етти нафар кўнгиллининг хатти-ҳаракатларини кузатди. Бунинг асосида алгоритм унутиб қолдирилган ҳаракатни ва у билан боғлиқ буюмни мустақил равишда аниқлашни ўрганди. Масалан, у иситилган таом унутиб қолдирилган микротўлқинли печ, совитгичга олиб қўйилмаган сут, жавонга қайтариб қўйилмаган китоб, компьютер ўчирилганидан сўнг ёниқ қолган монитор кабиларга лазерли кўрсатгич билан ишора қилади.
Изоҳ (0)