Ер юзи бўйлаб саёҳатга чиққан қуёш батареяларида ишлайдиган Solar Impulse 2 самолёти АҚШнинг Огайо штатида қўнди. Бу ҳақда «Коммерсантъ» хабар бермоқда.
«Учувчи Андре Боршберг бортда ёқилғисиз 17 соат парвоз қилиб, Дейтон шаҳрида қўнди», — дейилади лойиҳанинг Twitter'даги саҳифасида.
Solar Impulse 2 ўтган йил 9 март куни саёҳатини Абу-Дабида бошлаганди. Ҳаво кемаси ҳозиргача Уммон (Маскат), Ҳиндистон (Варанаси), Мьянма (Мандалай), Хитой (Чунцин ва Нанкин) ҳамда Японияда (Нагоя) бўлиб улгурди. 2015 йил ёзида самолёт 120 соатдан ошиқ парвоз қилиб, энг узоқ тўхтовсиз ҳавода учиш бўйича рекорд ўрнатганди.
Изоҳ (0)