Туркманистон президенти Гурбангули Бердимуҳамедов 19 май куни Ўзбекистон Республикасининг Туркманистондаги Фавқулодда ва Мухтор Элчиси этиб тайинланган Акмалжон Кучкаровни қабул қилди, у давлат раҳбарига ишонч ёрлиқларини топширди. Бу ҳақда Туркманистон давлат ахборот агентлигига таяниб, «Газета.uz» хабар берди.
Акмалжон Кучкаров Гурбангули Бердимуҳамедовга бутун туркман халқига энг яхши тилакларни йўллаган Ўзбекистон Президенти Ислом Каримовнинг самимий саломини етказди.
Туркманистон президенти элчини масъулиятли дипломатик лавозимга тайинлангани билан табриклади ва анъанавий икки томонлама алоқаларни янада мустаҳкамлаш йўлидаги фаолиятида омадлар тилаб қолди.
Эслатиб ўтамиз, 16 май куни Ўзбекистон Республикасининг Туркманистондаги Фавқулодда ва Мухтор Элчиси этиб тайинланган Акмалжон Кучкаров Ашхобод шаҳрига жўнаб кетган эди.
Изоҳ (0)