АҚШ президентлиги лавозимига Республикачилар партиясидан номзод Дональд Трамп Федерал сайлов комиссиясига ўз даромадлари ҳақидаги маълумотни тақдим этди. Бу ҳақда 17 май, сешанба куни сиёсатчининг сайловолди штаби маълумотига таяниб, «ТАСС» хабар берди.
Тақдим этилган ҳужжатга мувофиқ, унинг бойлиги 10 миллиард доллардан ортиққа баҳоланмоқда.
«Федерал сайлов комиссиясига тақдим этилган маълумотга кўра, Трампнинг даромади 557 миллион доллардан ортиқни ташкил этмоқда. Бу дивидендлар, фоизлар, капиталнинг ўсиши, ижара тўловлари ва гонорарларни ўз ичига олмайди. Трампнинг бойлиги охирги маълумот тақдим этилган 2015 йилнинг июлидан буён кўпайди. Ҳозирги пайтда у ўн миллиард доллардан ошди», — дейилади штаб хабарида.
Бироқ тадбиркор солиқ декларацияларини яна тақдим этмади.
Изоҳ (0)