АҚШ президентлигига Демократлар партиясидан номзод бўлишга даъвогар Ҳиллари Клинтон сайловларда ғолиб чиққан тақдирда турмуш ўртоғи, мамлакатнинг собиқ президенти Билл Клинтонни иқтисодиётни жонлантириш учун масъул этиб тайинлаш ниятида. Бу ҳақда у Форт-Митчеллда (Кентукки штати) тарафдорлари ўртасидаги чиқиши чоғида маълум қилди, дея хабар беради «РБК».
«Турмуш ўртоғимни иқтисодиётни жонлантириш учун масъул этиб тайинламоқчиман. Хабарингиз бор, у буни қандай амалга оширишни билади», — дея таъкидлаган собиқ Давлат котиби.
Ҳиллари Клинтон сайловолди кампанияси давомида олдинроқ ҳам бу мавзуни тилга олган. Жумладан, ўтган йили MSNBC телеканалига берган интервьюсида «У ажойиб маслаҳатчи. Иқтисодиёт ва янги иш ўринлари яратиш ҳақида мен гаплашишим мумкин бўлганлардан ҳам кўп нарсаларни билади», дея эътироф қилганди.
Изоҳ (0)