Хитой Тайвани адлия вазирлиги 2014 йил майида Тайбэй метросида қирғин уюштирган 23 ёшли талабага нисбатан ўлим жазоси ҳукмини ижро этди, дея хабар бермоқда «РИА Новости».
Ҳукм 10 май, сешанба куни уч марта ўқ отиш орқали ижро этилди.
Ҳодиса 2014 йил 21 май куни Тайбэй метроси вагонида содир бўлган эди. Ўша вақтда 21 ёшда бўлган йигит пичоқ билан йўловчиларга ҳамла қилди, натижада тўрт киши ҳалок бўлди, яна 22 киши яраланди. Кейинроқ маълум бўлишича, талаба жиноятни амалга ошириш чоғида алкоголь мастлик ҳолатида бўлган.
Изоҳ (0)