Эрон юқори аниқликдаги ўрта масофага мўлжалланган баллистик ракета синовини муваффақиятли ўтказди. Бу ҳақда Tasnim агентлиги манбаларига таяниб, Meduza хабар берди.
«2 минг километр масофага бориб етадиган ракета синовини ўтказдик. Режалаштирилган нуқтадан оғиш 8 метрдан иборат бўлди. Синов икки ҳафта аввал бўлиб ўтди», — дея маълум қилган мамлакат қуролли кучлари вакили, бригада генерали Али Абдуллоҳий.
Генерал ракета синови ўтказилган манзил ва фойдаланилган ёқилғи тури ҳақидаги маълумотларни ошкор қилмаган.
АҚШ Теҳрон томонидан ракеталар учирилиши БМТнинг тегишли резолюцияси бузилиши, деб ҳисобламоқда. Эрон эса мазкур резолюциянинг мамлакат ракета дастурига алоқаси йўқлигини даъво қилмоқда.
Изоҳ (0)