Франциянинг ўнгмарказчи мухолифати ҳукуматга ишончсизлик вотуми ўтказилишини талаб қилди. Бу ҳақда «ТАСС» хабар бермоқда.
«Мазкур масала бўйича овоз бериш жараёни Миллий мажлисда 12 май, пайшанба куни бўлиб ўтади», дея маълум қилди «Республикачилар» партиясининг парламент қуйи палатасидаги фракцияси раҳбари Кристиан Жакоб.
Мухолифат бундай қарорга келишига бош вазир Манюэль Вальс ҳукумат парламентни четлаб ўтиб, жамиятда кўплаб норозиликларга олиб келган меҳнат кодекси ислоҳотини тасдиқлаш ниятида эканлигини эълон қилгани сабаб бўлган.
Жакобнинг айтишича, «намойишлардан қўрқув туфайли шошилинч равишда ҳаммасини якунлаш учун шундай қилинмоқда».
Изоҳ (0)