Тошкентда нархи тушган квартиралар, Бухоро яҳудийларининг Исландия президентига таъсир қилган бойлиги, чекка қишлоқлар учун ҳаммомлар ва куннинг бошқа муҳим янгиликлари

10 майнинг эътиборга молик хабарлари — «Дарё»нинг кечки дайжестида.

1. Тошкентда квартиралар нархи апрелда ўртача 2 фоизга пасайгани қайд этилди. Тошкент иккиламчи квартира бозорида таклифларнинг ўртача баҳоси мартга нисбатан 2% — 1 квадрат метр учун 633 дан 623 шартли бирликкача пасайди.

2. 20 йилдан бери Исландияни бошқариб келаётган президент давлат раҳбарлигига сайловларда иштирок этмаслигини маълум қилди. Гримссон журналистлар унинг турмуш ўртоғи Доррит Муссаефф офшор компаниялари билан боғлиқлигини аниқлаганидан сўнг сайловда қатнашмаслик ҳақида баёнот берган.

3. Чекка қишлоқларда 194 та маиший хизматлар кўрсатиш мажмуаси ташкил этилади. Мажмуалар сартарошхоналар, ҳаммомлар, модалар ателеси, электр-маиший техника ва пойабзал таъмирлаш хизматлари кўрсатувчи устахоналарни ўз ичига олади.

4. iPhone 7’нинг илк «жонли» сурати эълон қилинди. Фотосуратда акс этган қурилма дизайни, умуман олганда, iPhone 6s’ни эслатади.

5. Карлуш Кейруш Эрон миллий терма жамоасидан кетиш учун истеъфо сўради. Футбол бўйича Эрон миллий терма жамоаси ЖЧ—2018 3-саралаш босқичида Ўзбекистон термаси билан бир гуруҳдан жой олган.