Лозаннадаги (Швейцария) спорт арбитраж суди (CAS) УЕФА президенти Мишель Платинининг футболга оид ҳар қандай ишлардан четлатилишини тўрт йилгача қисқартиришга қарор қилди. Бу ҳақда «Ведомости» хабар бермоқда.
Шу тариқа, франциялик мутасаддининг ҳар қандай футбол фаолиятидан четлатилиши яна икки йилга камайди. Аввалроқ ФИФА собиқ президенти Йозеф Блаттер УЕФА раҳбарига 2 миллион швейцар франкини ноқонуний равишда ўтказиб бергани учун ҳар иккиси 8 йилга ҳар қандай футбол фаолиятидан четлаштирилганди. Кейинчалик ушбу четлаштириш икки йилга қисқартирилган эди.
Қайд этиш керакки, CAS Платинининг жарима тўловини 80 мингдан 60 минг еврога камайтирди.
Изоҳ (0)