Туркиядаги Hurriyet газетаси бош муҳаррири Жан Дундар, газетанинг Анқара бюроси раҳбари Эрдем Гул давлат сирларини ошкор қилганликда айбдор деб топилиб, беш йилга озодликдан маҳрум қилиш жазосига маҳкум этилди. Бу ҳақда «ТАСС» хабар бермоқда.
Ўтган йил охирида қўлга олинган журналистлар Сурия радикалларига Туркия разведкаси томонидан қурол-яроғ етказиб берилгани ҳақидаги мақола туфайли судга тортилган эди. Истанбул прокуратураси уларни умрбод озодликдан маҳрум қилиш жазосига ҳукм этишни сўраганди.
Журналистлар давлатга хиёнат қилиш, давлат сирларини ошкор этиш, айғоқчилик, ёлғон ахборот тарқатиш ва давлат ҳокимияти органларига туҳмат қилишда айбланди. Давлат тўнтариши уюштиришга уриниш билан боғлиқ айблов олиб ташланди.
Ҳукм ижроси юзасидан якуний қарорни Олий суд қабул қилади. Айни пайтда журналистлар озодликка чиқариб юборилди.
Бугун, 6 май куни суд эшитуви чоғида номаълум шахс бино ташқарисида Жан Дундарнинг жонига қасд қилгани ҳақида ахборот берилган эди.
Изоҳ (0)