Покистон ҳукумати севишган жуфтликка қочиб кетишга ёрдам берган 16 ёшли қизни тириклай ёқишга буйруқ берган қабила кенгашининг 15 нафар аъзосини ҳибсга олди. Бу ҳақда, Reuters агентлиги маълумотига таяниб, «ТАСС» хабар беради.
Фожиали ҳодиса мамлакат пойтахти Исломободдан 50 километр масофада жойлашган Дунга Гали туманида юз берган.
Ҳукм чиқаришда ҳозир бўлган ва унга қўшилган қурбон бўлган қизнинг онаси ва акаси ҳам қабила оқсоқоллари билан бирга ҳибсга олинган. Қабила (жирги) кенгаши аъзолари қишлоғининг обрўсига доғ туширгани учун қизни жазога лойиқ деб топган.
Округ полицияси раҳбари Саид Вазирнинг маълум қилишича, қиз жирги мажлисига келтирилган ва у ҳушини йўқотиши учун унга аллақандай гиёҳвандлик воситаси берилган. Кейин у севишганлар қочиб кетган микроавтобусга ўтқизилган. Унинг қўллари ўриндиққа боғланиб, машина устидан бензин қуйилган. Шундан кейин машина ёқиб юборилган.
Изоҳ (0)