Pokiston hukumati sevishgan juftlikka qochib ketishga yordam bergan 16 yoshli qizni tiriklay yoqishga buyruq bergan qabila kengashining 15 nafar a’zosini hibsga oldi. Bu haqda, Reuters agentligi ma’lumotiga tayanib, “TASS” xabar beradi.
Fojiali hodisa mamlakat poytaxti Islomoboddan 50 kilometr masofada joylashgan Dunga Gali tumanida yuz bergan.
Hukm chiqarishda hozir bo‘lgan va unga qo‘shilgan qurbon bo‘lgan qizning onasi va akasi ham qabila oqsoqollari bilan birga hibsga olingan. Qabila (jirgi) kengashi a’zolari qishlog‘ining obro‘siga dog‘ tushirgani uchun qizni jazoga loyiq deb topgan.
Okrug politsiyasi rahbari Said Vazirning ma’lum qilishicha, qiz jirgi majlisiga keltirilgan va u hushini yo‘qotishi uchun unga allaqanday giyohvandlik vositasi berilgan. Keyin u sevishganlar qochib ketgan mikroavtobusga o‘tqizilgan. Uning qo‘llari o‘rindiqqa bog‘lanib, mashina ustidan benzin quyilgan. Shundan keyin mashina yoqib yuborilgan.
Izoh (0)