Россиянинг Свердловская вилояти Тугулим қишлоғида футбол дарвозаси мактаб ўқувчиси устига қулаб тушиши натижасида, у калла суяги ва бош миясидан шикаст олди, дея хабар бермоқда «РИА Новости» Россия Тергов қўмитасининг минтақавий тергов бошқармасига таяниб. Ушбу ҳолат юзасидан жиноий иш қўзғатилди.
Ҳодиса 28 апрель куни содир бўлди. 2005 йилда туғилган бола маҳаллий футбол майдонида футбол дарвозаси тўрига ўралиб қолган, натижада дарвоза унинг устига қулаган. Бола касалхонага етказилган, айни пайтда унга тиббий ёрдам кўрсатилмоқда.
Жиноят иши Тугулим шаҳар округи муниципал мухтор муассасаси директорига нисбатан қўзғатилган. У «эҳтиётсизлик туфайли соғлиққа оғир зарар етишини келтириб чиқарган совуққонлик» моддаси бўйича айбланмоқда.
Гумонланувчи сўроқ қилинганида у ўз вақтида қўл остидаги ишчисига дарвозани маҳкамлашни буюргани, аммо кимдир уни яна ечиб олганини айтди. Ушбу важ пухталик билан текширилади.
Изоҳ (0)