АҚШ Сурияда ярашувни қайта тиклаш ва мамлакатда сиёсий ўтиш даврини жорий қилиш устида Россия билан ишлашда давом этади, бироқ бунда президент Башар Асад учун ўрин йўқлигига ишончи комил. Бу ҳақда АҚШнинг БМТдаги доимий вакили Саманта Пауэр Хавфсизлик Кенгашининг Алепподаги вазиятга бағишланган мажлисида айтиб ўтди, деб ёзади «ТАСС».
У Россия ва Эроннинг Дамашқ жанговар ҳаракатларни бас қилиш ва гуманитар ёрдам кўрсатиш учун аҳоли билан тўсиқсиз алоқани таъминлаш бўйича ўз вазифаларини бажариши учун, унинг режимига босим ўтказишини кутаётганини таъкидлади.
«Ўз навбатида, АҚШ мухолифат ҳам худди шундай қилиши учун унга босим ўтказишда давом этади. Биз Алеппо ва Суриянинг бошқа қисмларида жанговар ҳаракатларнинг тўлиқ тўхтатилишини қайта тиклашга ҳаракат қилиш учун россиялик ҳамкасбларимиз билан ишлашда, шунингдек, Асадсиз сиёсий ўтиш даврига кўмак беришда давом этамиз. Бу — ушбу урушни тугатишнинг ягона усули», — деди дипломат.
Изоҳ (0)