Испания чемпионати 36-турида «Барселона» жамоаси сафарда «Бетис» меҳмони бўлди ва 2:0 ҳисобида зафар қучди, деб хабар беради «Sports.ru».
Учрашувнинг 35-дақиқасидан бир киши кўп бўлиб ҳаракат қилган «Барселона» 50-дақиқада Иван Ракитичнинг голи эвазига олдинга чиқиб олди. 81-дақиқада Луис Суарес чемпионат доирасидаги 35-голини киритиб, каталонияликлар устунлигини оширди. Уругвайлик футболчининг голи учрашувда сўнггиси бўлди.
Шу тариқа, Луис Энрике жамоаси очколар сонини 85 тага етказиб, биринчи ўринга қайтди. 36-турда рақибларини минимал ҳисобда мағлубиятга учратган «Атлетико» (85 очко) ва «Реал» (84 очко) тегишли равишда иккинчи ва учинчи ўринни эгаллаб турибди.
- Ла Лига, 36-тур. Гарет Бэйлнинг ягона голи «Реал»га «Реал Сосьедад» устидан ғалаба келтирди
- Ла Лига, 36-тур. Мадрид дербисида «Атлетико» «Райо Вальекано»ни кичик ҳисобда мағлубиятга учратди
«Бетис» – «Барселона» 0:2
Голлар: 0:1 – 50 Ракитич, 0:2 – 81 Суарес.«Бетис» – Адан, Пеццелья, Монтойя, Бруно Гонсалес, Вестерманн, Петрос, Ндиайе, Санчес (Мусонда, 55), Сехудо, Себальос (Портильо, 69), Рубен Кастро (ван Вольфсвинкел, 79).
«Барселона» – Браво (тер Стеген, 88), Пике, Альба, Дани Алвес (Сержи Роберто, 74), Бускетс, Ракитич (Туран, 86), Маскерано, Иньеста, Неймар, Месси, Суарес.
Огоҳлантиришлар: Бруно Гонсалес (21), Месси (23), Пике (23), Вестерманн (28), Петрос (34), Дани Алвес (45), Себальос (67).
Четлатиш: Вестерманн (35).
Изоҳ (0)