Ford Motor компанияси 113 йиллик тарихи давомида рекорд даражадаги чораклик фойдага (солиқлар чегириб қолинишидан аввалги) эга бўлди, дея хабар бермоқда «Ведомости».
Компаниянинг Европадаги бўлинмаси 2008 йилдан буён энг катта фойдани қўлга киритди ва уч ой ичида бутун 2015 йилдагидан кўпроқ ишлаб олди. Шимолий Америкада компания йўлтанламаслар ва пикапларга бўлган катта талаб туфайли муваффақият қозонди.
Ford’нинг январь—мартдаги соф фойдаси қарийб икки баравар — 2,5 миллиард долларгача ошди, бунда ҳар битта акцияга 0,61 доллардан тўғри келади. Ўтган йилнинг шу даврида эса ушбу кўрсаткичлар тегишли равишда 1,15 миллиард доллар ва 0,29 долларга тенг бўлган.
Солиқларгача бўлган чораклик фойда 3,8 миллиард долларни ташкил этди, ўтган йили эса бу 1,7 миллиардга тенг бўлган. Компаниянинг умумий даромади 11 фоизга ўсиб, 37,7 миллиард долларни ташкил этди. Операцион фойда битта акция учун 68 центга тенг бўлди.
Изоҳ (0)