Сўнгги инвестициявий раундда Ant Financial сармоядорлардан 4,5 миллиард долларни қўлга киритиб, маблағ жалб этиш бўйича дунё рекордини ўрнатди, дея хабар бермоқда «РБК» The Wall Street Journal’га таяниб.
Инвесторлар орасидан China Investment Corp. ва China Construction Bank, Хитойнинг энг йирик суғурта компаниялари, China Post Group почта компанияси ва бошқалар ўрин олди. Раунд давомида бевосита инвестициялар билан бир қаторда, компания улушларини сотишдан ҳам маблағ олинган.
Ant Financial Alibaba’дан ритейлер 2014 йил сентябрида Нью-Йорк фонд биржасига чиқиши олдидан ажралиб чиққан эди. Компания Хитойда онлайн-тўловларнинг ҳажм бўйича энг йирик транзакцияси платформаси оператори ҳисобланади. Alipay’дан ташқари, Ant Financial яна бир қатор молиявий сервисларни бошқаради ва йилига 450 миллиондан ортиқ мижозга хизмат кўрсатади.
Изоҳ (0)