Иқтисодий тадқиқотлар маркази томонидан эълон қилинадиган Ишбилармонлик фаоллиги индекси (ИФИ) март ойида февралга нисбатан 5,2 фоизга 1052 пунктгача ўсди (1000 дан юқори белги фаоллик ўсганини, 1000 дан пасти эса тушганини кўрсатади), дея хабар бермоқда «Газета.uz». Ишбилармонлик фаоллиги ўзгаришни бошлаган 2015 йил январидан буён ИФИ 22,2 фоизга 1222 пунктгача ўсди.
Мартда ишбилармонлик фаоллигининг ўсиши индекснинг тўртта компонентидан барчаси ошишига боғлиқ бўлди: хўжалик субъектларининг банк ҳисоблари бўйича операциялари сони ўтган ойга нисбатан 4,8 фоизга, товар-хомашё биржасида хомашё сотиб олиш 6,1 фоизга ошди, амалдаги хўжалик субъектлари компоненти 1 фоизга яхшиланди, бизнес фаоллигини савдо белгилари ҳимояси бўйича аниқлайдиган ИФИ компоненти 25,1 фоизга ошди.
Изоҳ (0)