Ўзбекистон Республикаси Фавқулодда вазиятлар вазирлигининг Фуқаро муҳофазаси институтида мамлакат ва хорижий ОАВ вакиллари учун семинар-тренинг бўлиб ўтди. Бу ҳақда «Даракчи.uz» хабар бермоқда.
Фавқулодда вазиятлар вазирининг биринчи ўринбосари Комилжон Орипов энг ривожланган давлатлар ҳам ер силкинишини 100 фоиз олдиндан айтиб бера олмаслигини таъкидлади. Шу боис, табиий тусдаги фавқулодда вазиятларнинг олдини олиш, улар рўй берганда тезкор ҳаракат қилиш ва аҳолини тайёрлаш тизимини такомиллаштириш талаб этилади.
Тадбирда ўзбекистонлик олим ва мутахассислар зилзила таъсирида айрим биноларнинг вайрон бўлиш сабабларини юмшатишга қаратилган янги лойиҳалаштириш ва қурилиш концепциялари ҳамда техник ечимлар ишлаб чиқаётганлиги билдирилди.
Семинар-тренинг доирасида фавқулодда вазиятларда тезкор ҳаракат қилиш шайлиги намойиш қилинди, зилзилани симуляция қилиш марказига экскурсия уюштирилди, қутқарувчилар анжомлари ва махсус техникалар кўргазмаси ташкил этилди.
Изоҳ (0)