Сурияда бозорга уюштирилган авиазарба оқибатида 37 киши ҳалок бўлди

Суриянинг Идлиб вилоятида уюштирилган авиазарбалар оқибатида 44 киши ҳалок бўлди. Бу ҳақда, Syrian Observatory for Human Rights ҳуқуқий ҳимоя ташкилоти маълумотига таяниб, Meduza хабар беради.

Мааррет-эн-Нууман шаҳридаги бозорга уюштирилган авиазарба оқибатида 37 киши ҳалок бўлди. Яна етти киши Кафр-Набл шаҳрига берилган зарба оқибатида қурбон бўлди. Ҳар иккала аҳоли пункти суриялик исёнчилар назорати остида бўлган ҳудудлардир.

Ҳуқуқ ҳимоячилари авиазарбаларда Сурия ҳукуматини айблади. АҚШ Давлат департаменти вакили Жон Кирби ҳам зарбаларни ҳукумат қўшинлари берган бўлиши мумкинлигини маълум қилди.