Федерал қидирув бюроси сан-бернардинолик террорчиларга тегишли бўлган iPhone смартфонини бузиб очиш натижасида терговчиларга аввал номаълум бўлган ахборотни қўлга киритди. Бу ҳақда CNN телекомпаниясига таяниб, «ТАСС» хабар берди.
Телекомпания маълумотларига кўра, бузиб очишни хусусий компания амалга оширган. Айнан қандай маълумотларни олишга муваффақ бўлингани ошкор этилмаяпти.
Эслатиб ўтамиз, 16 февраль куни АҚШ суди Apple корпорацияси Федерал қидирув бюроси ходимларига «Сан-Бернардино мергани»нинг телефонини бузиб, ундаги маълумотларни олишда ёрдам бериши лозимлиги ҳақида қарор қабул қилди. Корпорация раҳбари Тим Кук бунга жавобан суд қарорига расмий эътироз билдирилишини таъкидлаган.
Кейинроқ ҳукумат мутахассислари бошқача усул билан, маълумотларни ўчирмасдан туриб қурилмага киришга муваффақ бўлгани, шу туфайли ҳукумат Apple ёрдамига «энди муҳтож эмас»лиги хабар берилган эди.
Изоҳ (0)