Футбол бўйича Осиё Чемпионлар Лигасининг «Д» гуруҳида иштирок этаётган Қаршининг «Насаф» клуби 5-турда 1 очко ишлаб олди. БААнинг «Ал-Айн» клубига қарши 19 апрель куни кечган беллашувда 1:1 ҳисоби қайд этилди.
Қарши клуби сафида асосий таркибнинг уч нафар футболчиси — ҳимоячи Шерзод Аъзамов, ярим ҳимоячи Эркин Бойдуллаев ҳамда ҳужумчи Илҳом Шомуродов жароҳат сабаб БАА клубига қарши ўйинда майдонга тушмади.
5-турдан кейин «Ал-Айн» 7 очко билан гуруҳда 2-ўринни эгаллаб турган бўлса, «Насаф» ҳисобида 5 очко мавжуд. Рўзиқул Бердиев шогирдлари ўз тарихида биринчи бор Чемпионлар Лигасининг плей-офф босқичига чиқишни истаса, «Ал-Айн»га қарши сафар ўйинида зафар қучиши керак бўлади.
Бироқ бу муваффақиятнинг ягона калити эмас — ўзбекистонлик футболчи Сардор Рашидов ҳаракат қиладиган Қатарнинг «Ал-Жаиш» жамоаси Саудиянинг «Ал-Аҳли» клубига иложи борича камроқ очко улашиши керак. Қайд этиш керак, «Ал-Жаиш»нинг нимчорак финалга йўл олгани 4-турдан кейиноқ маълум бўлиб улгурганди.
Осиё Чемпионлар Лигаси 5-тур учрашуви 19 апрель, сешанба
«Насаф» (Ўзбекистон) — «Ал-Айн» (БАА) 1:1
Голлар: Мақсуд Каримов, 1 (1:0). Данило Асприля, 32 (2:0).«Насаф»: Элдор Суюнов, Шуҳрат Муҳаммадиев, Илдар Маматказин, Мақсуд Каримов, Сайдулло Раҳматов, Артур Геворкян, Дилшод Раҳматуллаев, Азиз Ғаниев, Баҳром Абдураҳимов, Азамат Алланиязов (Шароф Муҳитдинов, 73), Бобир Абдихолиқов.
«Ал-Айн»: Холид Иса, Исмоил Аҳмад, Фелипе Бастос, Дуглас, Умар Абдулраҳмон, Диаки Иброҳим (Аҳмад Барман, 62), Моҳанад Салим, Муҳаммад Аҳмад, Ли Мёнг Жу, Муҳаммад Фаёз, Данило Асприля (Рашид Иса, 77).
Изоҳ (0)