Суданнинг Шарқий Дарфур штатида икки араб қабиласи ўртасида юзага келган тўқнашув оқибатида камида 20 киши ҳалок бўлди. Бу ҳақда, France-Presse агентлиги маълумотига таяниб, «ТАСС» хабар беради.
Қабила бошлиқларидан бирининг маълум қилишича, маалиа ва ризейгат қабилалари ўртасидаги тўқнашув қорамол ўғирланганлиги туфайли юзага келган бўлиши мумкин.
«Ўғриларни таъқиб этаётган автомобиллар назорат-ўтказиш пунктида тўхтатилганда, улар артиллериядан ўққа тутилган. Бунинг оқибатида битта транспорт воситаси йўқ қилинган, иккинчиси қўлга олинган. Бизнинг қабиладошларимиздан ўн нафари ўлдирилган, яна беш нафари яраланган», — дейди маалиа қабиласи кенгаши етакчиси.
«Биз томондан ўн киши ҳалок бўлди, кўпчилик жабрланди», — дейди ризейгат қабиласи оқсоқолларидан бири.
Изоҳ (0)