Россиянинг Новосибирск шаҳри кўчаларидан биридаги йўл чуқури Twitter’да аккаунтга эга бўлди. Ундаги илк ёзув 13 апрелда жойлаштирилди, деб хабар беради «НГС. НОВОСТИ».
Аккаунтни маркетолог Дмитрий Мишин юритиб берди. Аввалига у чуқур суратларини ўзининг Twitter’даги саҳифасида жойлаштириб юрди, кейинчалик эса чуқурнинг ўзига аккаунт очиб қўя қолди. Унинг айтишича, чуқур 2015 йилда пайдо бўлган, ўшанда йўл таъмирланиб, янги асфальт босилган, бироқ қишдан сўнг у яна ўз ҳолига қайтганди. Апрель бошида чуқур тўлдириб қўйилди, лекин ёмғир ва транспорт оқими туфайли эски манзара ҳосил бўлди.
Чуқур ўз саҳифасида автомактабларни ҳамкорликка «таклиф этади», йўл хизматларининг ундан тўсиқлар майдони қилишга бўлган уринишларини «олқишлайди» ва ўзини кичик кўллар рўйхатига киритишларини «сўрайди».
Изоҳ (0)