КХДРнинг Кореяни тинч йўл билан бирлаштириш қўмитаси вакили Сеулдан Жанубий Корея махсус хизматлари томонидан 7 апрель куни Чжэчзян провинциясида (Хитой) ўғирлаб кетилган 13 нафар фуқарони қайтаришни талаб қилди. Бу ҳақда «ТАСС» хабар бермоқда.
«Жанубий Корея тузуми зудлик билан кечирим сўраши, айбдорларни жазолаши, ўғирлаб кетилганларни қайтариши ва келгусида бундай жинояткорона ҳаракатлар қайтарилмаслигини ваъда қилиши керак. Акс ҳолда Жанубий Корея расмийларини олдиндан айтиб бўлмас оқибатлар ва шафқатсиз жазо кутмоқда», — дейилади баёнотда.
Корея Республикаси бирлашиш вазирлигининг билдиришича, КХДРнинг 13 нафар фуқароси 7 апрелда Жанубий Кореяга қочиб ўтган. Улар Шимолий Кореядан ташқаридаги миллий таомлар ресторанида ишлаган 12 нафар аёл ва бир эркак эди.
Изоҳ (0)