Назарий жиҳатдан Италия чемпионлиги учун имкониятларини сақлаб турган Римнинг «Рома» клуби 33-турда «Аталанта» билан жанговор дуранг қайд этди.
Беллашувнинг 27-дақиқасига келиб Лучано Спалетти жамоаси 2 та гол фарқи билан олдинга ўтиб олганди. Шундан кейин «Рома» 22 дақиқа ичида 3 та гол ўтказиб юборди.
Клубни мағлубиятдан қутқариб қолган голга 85-дақиқада Франческо Тотти муаллифлик қилди. Маълумот учун, шу йилнинг 27 сентябрида Тотти 40 ёшни қарши олади ва у клубнинг энг қария футболчиси ҳисобланади.
Мазкур турда «Наполи» Миланда мағлубиятга учраганидан кейин, «Рома»да орадаги фарқни қисқартириб олиш имконияти пайдо бўлганди. 33-турдан кейин Неапол клуби 70, «Рома» 65 очкога эга.
Италия А серияси 33-тур беллашувлари 17 апрель, якшанба
«Аталанта» — «Рома» 3:3
Голлар: Лука Дин, 23 (0:1). Раджа Найнгголан, 27 (0:2). Марко ДъАлессандро, 33 (1:2). Марко Боррелло, 37 (2:2). Марко Боррелло, 50 (3:2). Франческо Тотти, 85 (3:3).«Рома»: Войцех Шесни, Антонио Рюдигер, Лука Дин (Эмерсон, 33), Костас Манолас, Эрвин Жуканович (Стефан Эл-Шаарави, 53), Даниэле де Росси (Франческо Тотти, 78), Алессандро Флоренси, Раджа Найнгголан, Муҳаммад Салоҳ, Диего Перотти, Эдин Жеко.«Удинезе» — «Кьево»«Фиорентина» — «Сассуоло»«Верона» — «Фрозиноне»«Ювентус» — «Палермо»«Лацио» — «Эмполи»«Сампдория» — «Милан»
Изоҳ (0)