Футбол бўйича Испания Ла Лигасининг 33-турида иккита беллашув якунланди.
Чемпионлик учун кураш олиб бораётган Мадриднинг «Реал» клуби сўнгги поғонада бораётган «Хетафе» майдонидан 3 очко билан қайтди. Меҳмонларнинг 5 та голига мезбонлар бир марта жавоб қайтарди.
Мазкур беллашувдан кейин Криштиану Роналду Ла Лиганинг жорий мавсумидаги голлари сонини 31 тага етказиб олди. Унинг энг яқин таъқибчиси Луис Суарес ҳисобида 26 та гол бор. Карим Бензема эса «Хетафе» дарвозасига урилган голдан кейин Лионель Месси билан тенглашди — 22 та гол. Неймарда 21 та гол мавжуд.
Мазкур турда «Леванте» ҳам ўз ҳисобига 3 очко ёзиб қўйди. Шу тариқа лигада жон сақлаб қолиш илинжида бўлган клубларнинг ҳар учаласи: «Спортинг», «Леванте» ва «Хетафе» 28 тадан очкога эга бўлиб олди. Битта ўрин олдиндаги «Гранада» ҳисобида 30 очко бор.
16 апрель ҳолатига кўра «Реал» 75 очко билан 2-ўринни эгаллаб турибди. «Атлетико» ҳамда «Барселона» клублари ўз учрашувларини 17 апрель санасида ўтказади.
Испания Ла Лигаси 33-тур беллашувлари 15 апрель, жума
«Леванте» — «Эспаньол» 2:1 (1:1)
Голлар: Эрнан Перес, 7 (0:1). Жузеппе Росси, 23 (1:1). Карл Межани, 66 (2:1).16 апрель, шанба
«Хетафе» — «Реал Мадрид» 1:5 (0:2)
Голлар: Карим Бензема, 29 (0:1). Иско, 40 (0:2). Гарет Бэйл, 50 (0:3). Пабло Сарабия, 83 (1:3). Хамес Родригес, 88 (1:4). Криштиану Роналду, 90+2 (1:5).«Реал»: Кейлор Навас, Даниэль Карвахаль (Хосе Игнасио Начо, 52), Марсело, Пепе, Рафаэль Варан, Тони Кроос, Иско, Хамес Родригес, Гарет Бэйл (Лукас, Васкес, 57), Карим Бензема (Хесе, 67), Криштиану Роналду.«Лас-Пальмас» — «Спортинг»«Эйбар» — «Реал Сосьедад»«Сельта» — «Бетис»
17 апрель, якшанба«Малага» — «Атлетик»«Севилья» — «Депортиво»«Атлетико» — «Гранада»«Райо Вальекано» — «Вильярреал»«Барселона» — «Валенсия»
Изоҳ (0)