Европа Лигаси. Амалдаги чемпион «Севилья» пенальтилар сериясида «Атлетик»дан устун келди

Футбол бўйича Европа Лигасининг ярим финал иштирокчилари аниқланди.

Украинанинг «Шахтёр» клуби Португалияда «Брага»ни кичик ҳисобда мағлуб этганди. Жавоб ўйинида эса рақиби дарвозасига жавобсиз тўрт бор йўл топди. Меҳмонлар ҳимоячиси Рикарду Феррейра бир эмас, икки бор ўз дарвозасини ишғол қилди.

Испаниянинг «Вильярреал» клуби Чехияда «Спарта» дарвозасини тўрт бор ишғол қилди ҳамда ўз дарвозасидан иккита гол ўтказиб юборди.

Чорак финалнинг фақатгина 1 та ўйини пенальтилар сериясига қадар етиб борди. «Атлетик» Билбаода «Севилья»дан 1:2 ҳисобида енгилганди. Жавоб ўйинида эса худди шу ҳисобда зафар қучди. Қўшимча дақиқаларда ҳисоб бошқа ўзгармагач, ғолибни аниқлаш учун пенальтилар сериясига мурожаат этилди.

12 нафар футболчи огоҳлантирилган беллашув лотореясида омад мезбон «Севилья»га кулиб боқди. «Атлетик» сафида Эчебария Бенятнинг зарбасини дарвозабон қайтариб қолди. «Севилья» футболчилари томонидан берилган ҳар бештала зарба ҳам голга айланди.

Европа Лигасининг ярим финал беллашувларига қуръа ташлаш маросими 15 апрель, жума куни бўлиб ўтади.

Европа Лигаси Чорак финал. Жавоб учрашувлари 14 апрель, пайшанба

«Шахтёр» (Украина) — «Брага» (Португалия) 4:0 (2:0)

«Спарта» (Чехия) — «Вилярреал» (Испания) 2:4 (0:3)

«Севилья» — «Атлетик» (Испания) 1:2 (0:0) пен — 5:4

• Европа лигаси. «Ливерпуль» «Боруссия Дортмунд» устидан иродали ғалабага эришди