Вьетнамнинг марказий қисмида 9 нафар мактаб ўқувчиси дарёда чўкиб кетди. Бу ҳақда «РИА Новости» хабар бермоқда.
Маҳаллий полиция бўлинмаси бошлиғи ўринбосари Ву Ван Зионгнинг билдиришича, 12 ёшли болалар Куангнгай вилоятидаги Ча Кхюк дарёсида ўйнаётган эди. Болаларнинг ҳаммаси бир пайтда сувга ўзини отгани тахмин қилинмоқда. Уларнинг жасади 15 апрель, жума куни дарё ўзанидан топилди.
Чўкиб ўлиш Вьетнамда болалар ўлимининг асосий сабабларидан бири саналади, ҳар йили шу туфайли тахминан 3,5 минг бола оламдан ўтади.
Изоҳ (0)