Самарқандда Ўзбекистон Республикаси Олий Мажлиси Сенати Кенгаши ва халқ депутатлари вилоят Кенгашининг фуқаролар йиғинлари раислари ҳамда уларнинг маслаҳатчилари сайловини ташкил этиш ҳамда ўтказишга кўмаклашувчи комиссиялари томонидан сайловнинг ташкилий-ҳуқуқий асосларига бағишланган семинар ўтказилди. Бу ҳақда ЎзА хабар бермоқда.
Семинар ҳудудларга бўлинган ҳолда, Самарқанд ва Каттақўрғон шаҳарларида ташкил этилиб, унда тегишли кўмаклашувчи комиссиялар, ишчи гуруҳлари, «Маҳалла» хайрия жамоат фонди вилоят бўлими, туман ва шаҳар бўлинмалари мутасаддилари иштирок этди.
Тадбирда аҳолининг сайловдан хабардорлиги ва ҳуқуқий билимини ошириш фуқаролар йиғини раиси ва унинг маслаҳатчилари вазифасига энг муносиб кишиларни сайлашда муҳим омил бўлиши алоҳида таъкидланди. Шу мақсадда жойларда сайлов қонунчилиги ва ушбу жараён билан боғлиқ тушунтириш-тарғибот ишларини янада кучайтириш юзасидан фикр алмашилди.
Изоҳ (0)