Москвада 11 апрель, душанба куни Россия Федерацияси халқ артисти Альберт Филозов 79 ёшида вафот этди. У охирги бор 27 март куни ўзи хизмат қилаётган «Замонавий пьеса мактаби» театрининг «Шаҳар» спектаклида саҳнага чиққанди, дея хабар беради Meduza.
Альберт Филозов 1937 йили Свердловскда туғилган. МХАТ мактаб-студиясини тамомлаган, Ермолова, Станиславский номли театрларда фаолият кўрсатган, 1989 йилдан бери «Замонавий пьеса мактаби»да ишлаб келаётганди.
Театр саҳнасидаги кўплаб ролларидан ташқари кинода ҳам юздан зиёд образлар яратган. Улар орасида «Мэри Поппинс, алвидо!», «Капуцинлар хиёбонидаги киши», «Васса», «Теҳрон 43» каби машҳур фильмлар бор.
Изоҳ (0)