Самарқанд шаҳридаги 4-болалар мусиқа ва санъат мактаби ўқувчиси Далер Шавкатов Испаниянинг Коста-Браво шаҳрида ўтказилган Dancing Catalonia хореография ва вокал халқаро танловида биринчи ўринни эгаллади. Бу ҳақда «Зарафшон» хабар бермоқда.
Дунёнинг 11 давлатидан 200 нафардан ортиқ ижрочи қатнашган танловда Далер хореография йўналишида маҳоратини намойиш этиб, жаҳоннинг таниқли санъатшунос ва мусиқашунослари олқишига сазовор бўлди. У танловнинг 13—15 ёшли совриндорлари иштирокида ўтказилган гала-концертда ҳам иштирок этди. Италиялик таниқли хореограф Роберто Лори томонидан ташкил этилган маҳорат дарсларида қатнашди.
Изоҳ (0)