Мадриднинг «Реал» жамоаси бош мураббийи Зинедин Зидан «Эйбар»га қарши Испания чемпионати 32-турига чақирилган футболчилар рўйхатини эълон қилди, деб хабар беради «Чемпионат».
9 апрель, шанба куни Мадрид шаҳрида бўлиб ўтадиган ўйинни жароҳати туфайли ҳужумчи Карим Бензема ва ҳимоячи Рафаэль Варан ўтказиб юборади. «Барселона»га қарши (2:1) Испания чемпионати 31-турида майдондан четлатилган Серхио Рамос дисквалификациясини ўтайди ва мазкур ўйинда иштирок этмайди.
Шунингдек, Зинедин Зидан дарвозабон Кейлор Навас ва Лука Модричга дам беришга қарор қилди. Қуйида «Реал»нинг «Эйбар»га қарши ўйинга чақирилган футболчилари рўйхати келтирилган.
Дарвозабонлар: Кико Касилья, Рубен Яньес, Кранинкс.
Ҳимоячилар: Пепе, Начо, Марсело, Дани Карвахаль, Альваро Арбелоа, Данило.
Ярим ҳимоячилар: Тони Кроос, Хамес Родригес, Гарет Бэйл, Матео Ковачич, Касемиро, Иско.
Ҳужумчилар: Криштиану Роналду, Борха Майораль, Лукас Васкес, Хесе.
Маълумот учун, «Реал» – «Эйбар» учрашуви 9 апрель куни Тошкент вақти билан 19:00 да бошланади.
Изоҳ (0)