«Жанубий Корея президенти Пак Кин Хе ким билан ҳамкорлик қилаётганини англамайди ва унинг фожиаси шундан иборат». Бу ҳақда 8 апрель, жума куни маҳаллий газеталарда эълон қилинган КХДР тинчлик билан ватанни бирлаштириш қўмитаси вакили баёнотида маълум қилинган, дея хабар беради «ТАСС».
Шимол ва Жануб ўртасидаги алоқалар учун жавоб берадиган мазкур ташкилот Корея республикаси раҳбарини Вашингтонда бўлиб ўтган ядро хавфсизлиги саммитида КХДР ракета-ядро дастурига қарши туриш учун халқаро ҳамкорликни мустаҳкамлаш, Пхеньянни ядро қуролларидан воз кечишга мажбур этиш учун янада қаттиқ санкциялар жорий этишга чақиргани учун қоралади.
Қўмита фикрича, Пак Кин Хе «икки давлат ўртасидаги мулоқотни боши берк кўчага киритиб қўйди, унинг сиёсати туфайли Корея ярим оролида уруш хавфи ошиб бормоқда».
Изоҳ (0)