Ўзбекистон миллий терма жамоаси Аргентина етакчилик қилаётган ФИФА рейтингида 8 поғона юқорилади

Халқаро футбол уюшмаси ФИФА бугун, 7 апрель куни терма жамоаларнинг янги рейтингини эълон қилди.

Март ойи рейтингида 74-ўриндан жой олган Ўзбекистон миллий терма жамоаси апрель ойида саккиз поғона юқорилаб, 549 очко билан 66-ўриндан жой олган. Бу Осиё мамлакатлари орасида Эрон (672), Австралия (601), Жанубий Корея (579), Япония (577) ва Саудия Арабистони (559)дан кейин олтинчи кўрсаткич ҳисобланади.

Умумий планда Аргентина терма жамоаси ФИФА рейтингида 1532 очко билан 1-ўринга кўтарилиб олди. Аввалги пешқадам Бельгия терма жамоаси (1352) эса энди 2-ўриндан жой олган. Кучли ўнталикдан Чили (1348), Колумбия (1337), Германия (1309), Испания (1277), Бразилия (1251), Португалия (1184), Уругвай (1158) ва Англия (1069) терма жамоалари жой олган.