Яман президенти Абд Раббо Мансур Ҳодийни қўллаб-қувватлаётган Саудия Арабистони расмийлари ва Яман ҳукуматига қарши чиқаётган исёнчи хусийлар Ар-Риёддаги музокараларда силжишга эришди. Бу ҳақда Саудия Арабистони ташқи ишлар вазири Одил ал-Жубайр маълум қилди, дея хабар беради «ТАСС».
«Хусийлар делегацияси ҳозирда ҳам Саудия Арабистонида бўлиб турибди. Биз улар билан музокараларда сезиларли натижаларга эришдик», — дея таъкидлаган вазир.
Шу билан бирга, ал-Жубайр 18 апрелда Кувайтда ўтказилиши мўлжалланган музокараларга қадар томонлар Яманда тинчлик ўрнатилиши учун кўпроқ саъй-ҳаракатларни амалга ошириши лозимлигини билдирди.
Изоҳ (0)