Janubiy Koreya va AQSh harbiy bo‘linmalari 6-aprel, chorshanba kuni suv to‘siqlaridan o‘tish ko‘nikmalarini sinovdan o‘tkazishga qaratilgan uch kunlik mashg‘ulotlarga kirishadi. Ular KXDR bilan chegara yaqinida joylashgan Yonchxon uyezdi hududida o‘tkaziladi. Bu haqda “TASS” xabar bermoqda.
“Mashg‘ulotlar to‘liq ko‘lamli jangovar harakatlar sharoitida o‘tkaziladi. Ssenariyga ko‘ra, dushman kuchlariga qarshi hujumga o‘tiladi. Buning uchun qo‘shinlarimizga zirhli texnika yordamida eni 150 metr bo‘lgan daryoni kechib o‘tishlariga to‘g‘ri keladi”, — deya ma’lum qilgan Janubiy Koreya qurolli kuchlari 6-muhandislik brigadasi qo‘mondonligi vakili.
Ma’lum bo‘lishicha, mashqlarga 80 ta harbiy texnika, jumladan, Abrams tanklari, Bradley piyoda jangovar mashinalari, Black Hawk vertolyotlari safarbar etiladi. Kechuv uchun janubiy koreyalik 180 nafar zobit va askar qurilishi hamda mudofaasini ta’minlaydigan ponton ko‘prik barpo etiladi.
Izoh (0)