Россиянинг “Акрон” клуби ўзбекистонлик футболчи Шерзод Эсонов билан шартнома бекор қилинганини эълон қилди. Клуб расмий сайтида берилган маълумотга кўра, томонлар ўзаро келишув асосида ҳамкорликни якунлашга қарор қилган.
Эсонов 2024 йил июль ойида Толятти клуби сафига қўшилган эди. У бу вақт ичида барча мусобақаларда жами 16 учрашувда майдонга тушди: уларнинг тўққизтаси Россия Премьер Лигасида, еттитаси эса Россия Кубогида бўлди. Эсанов ушбу ўйинларда битта гол муаллифига айланди.
Эслатиб ўтамиз, 22 ёшли футболчи бунгача Ўзбекистон чемпионатининг бир қатор клубларида тўп сурган. Шунингдек, у Ўзбекистоннинг турли ёшдаги терма жамоаларида ҳам ҳаракат қилади. Transfermarkt портали маълумотига кўра, Шерзод Эсоновнинг бозор қиймати 300 минг еврога баҳоланган.
Маълумот учун, агар Аббосбек Файзуллаев ҳам “ЦСКА”ни тарк этса, Россия Премьер Лигасида ҳеч бирорта ўзбекистонлик қолмайди.
Изоҳ (0)