Ҳиндистон шарқидаги Калькутта шаҳрида қурилаётган кўприкнинг қулаб кетиши оқибатида камида ўн киши ҳалок бўлди. Яна ўнлаб кишилар вайроналар остида бўлиши мумкин. Бу ҳақда ANI агентлиги маълумотига таяниб, «РИА Новости» хабар беради.
Ҳодиса 31 март, пайшанба куни тонгда Калькутта шимолидаги Гириш Парк туманининг аҳоли гавжум Бара Базар ҳудудида юз берди.
Воқеа жойида қутқарув ишлари олиб борилмоқда. Гувоҳларнинг таъкидлашича, вайроналар остида 100 га яқин одам бўлиши мумкин. Баъзиларнинг таъкидлашича, кўприк қулашидан аввал портлаш овози эшитилган.
Бундан ташқари, маълум қилинишича, кўприк остида ёнғин бошланган, чунки у ерда ёнилғи цистерналари бўлган.
Изоҳ (0)