Ўзбекистон IT-технологиялар бозорида 2016 йил 25 март куни ҳақиқатан-да муҳим воқеа содир бўлди — энди ўзбекистонлик фойдаланувчилар Mail.Ru Group’нинг мобил дастурлари ва мобил ўйинларини TAS-IX ҳудудида бемалол кўчириб олиш мумкин. «Одноклассники»дан тортиб, миллионлар ўйинига айланган «РайотЗон»гача бўлган ижтимоий ва ўйинли мобил дастурларни кафолатланган юқори тезликда ва трафикни йўқотмасдан бепул юклаб олиш имкони бор.
Бу натижага мобил дастур ишлаб чиқаришга ихтисослашган ноширлар орасида Россия бозорида етакчи ҳисобланган Mail.Ru Group (App Annie маълумотига кўра) ва Ўзбекистоннинг мобил дастурлар билан савдо қилишга ихтисослашган AndroidBozor платформаси ўртасида шу йилнинг январь ойида Россия интернет-гигантининг бош қароргоҳида олиб борилган музокаралар якунига кўра эришилди.
AndroidBozor — Ўзбекистондаги ҳали жуда ёш, бироқ куч ва ғайратга тўла, ривожланишда давом этаётган стартап-лойиҳадир. Ушбу келишув шарофати билан Ўзбекистондаги савдо платформаси йирик бренд билан ҳамкорлик ўрнатди, бу эса мазкур лойиҳанинг яқин вақт ичида ривожланишига, шубҳасиз, ижобий таъсир кўрсатади. Ўз навбатида, лойиҳа доирасида Россия компанияси ўз маҳсулотларини Ўзбекистоннинг кўп миллионлик фойдаланувчилари учун янада осонроқ тақдим этиш вазифасини етарли даражада самарали ҳал қилади.
Ҳозирги вақтда www.androidbozor.uz сайтига «Почта Mail.ru», «Одноклассники», ICQ, «Новости Mail.ru», «Мунажжимлар башорати» каби мобил дастурлар, шунингдек, ўнлаб ўйин лойиҳалари (Might and Glory, Iron Desert, Jungle Heat, «Эволюция: Битва за Утопию», «Эрудит», «Жаггернаут: Месть Суверинга», Lucky Fields, «Легенда. Наследие драконов», Poker Arena, Riot Zone) жойлаштирилган.
Бутун дунё бўйлаб мобил қурилмаларнинг миллионлаб фойдаланувчилари ўзи учун Mail.Ru Group’нинг мобил ўйинлари ва мобил қурилмаларини танлади! Сиз ҳам улар сафига қўшилинг! Энг яхши ўйинларни ўйнанг, дўстларингиз билан мулоқот қилинг, ўз таассуротларингиз билан ўртоқлашинг ва янгиликлардан биринчи бўлиб бохабар бўлинг!
Умумий маълумотлар
Mail.Ru Group — Европадаги энг йирик интернет-компаниялардан бири бўлиб, бир фойдаланувчи сарфлаётган дақиқаларнинг ўртача миқдори бўйича жаҳонда биринчи ўринда туради.Communitaintment стратегияси доирасида Mail.Ru Group мулоқот ва кўнгилочар интернет-сервисларининг ягона интеграциялашган платформасини ривожлантирмоқда. Компания етакчи почта сервисига, Рунетдаги энг йирик порталлардан бирига, русийзабон энг катта ижтимоий тармоқлар — «ВКонтакте», «Одноклассники» ва «Мой Мир»га, Россия ва МДҲдаги оммабоп мессенжер — «Агент Mail.Ru» ва ICQ’га, шунингдек, энг йирик онлайн-ўйинлар тўпламига эгалик қилади.
Бундан ташқари, Россия, Украина ва Исроилдаги бир қатор интернет-компанияларда Mail.Ru Group’нинг миноритар улуши бор, шунингдек, компания Qiwi’нинг акциялар пакетини (1,31 фоиз) ҳам қўлга киритган.
Mail.Ru Group Россияда IT соҳасидаги таълимни ривожлантириш йўналишида тизимли иш олиб бормоқда. Компания ҳар йили дастурчилар учун Russian Code Cup халқаро олимпиадаси, Технологиялар Форумини ўтказади, олий таълим муассасаларининг кафедралари билан фаол ҳамкорлик қилади. 2013 йилнинг ноябрида компания «My.com» стартапини ишга туширди. «My.com»ни ривожлантириш бўйича communitaintment стратегиясига кўра, халқаро аудитория учун мулоқот ва кўнгилочар интернет-сервисларининг интеграциялашган платформаси ташкил этилмоқда. 2015 йилдан IT-мутахассисларни ривожлантириш ва уларга таълим беришга йўналтирилган барча лойиҳалар «IT.Mail.Ru» сервисига бирлаштирилган.
Реклама ҳуқуқи асосида
Изоҳ (0)