23 мартнинг эътиборга молик янгиликлари — «Дарё»нинг кечки дайжестида.
1. Ўзбекистон аҳолиси 31,5 миллиондан ошди. Шундан, 15 964 минг киши шаҳар жойларида (аҳоли умумий сонининг 50,6 фоизи) ва 15 612,4 минг киши қишлоқ жойларида (49,4 фоизи) истиқомат қилади.
2. Саидкамол Ходжаев Ўзбекистон Марказий банки раисининг биринчи ўринбосари этиб тайинланди. Бу лавозимда шу вақтгача ишлаб келган Улуғбек Мустафоев фаолиятини қаерда давом эттириши ҳозирча маълум эмас.
3. Ўзбекистондан 261 нафар чет эллик ва фуқаролиги йўқ шахслар чиқариб юборилди. Бундан ташқари, бошқа давлатларга узоқ муддатга чиқиб кетган 75 мингдан ортиқ фуқаронинг шахси аниқланиб, ҳисобга киритилди.
4. Фото: Тошкентнинг «Бодомзор» маҳалласида йирик ЙТҲ юз берди, жабрланувчилардан бири реанимацияга ётқизилган. Бундан ташқари, шаҳарнинг бошқа қисмида Nissan Altima билан тўқнашган Captiva ағдарилиб кетди.
5. «16 килограммли гиряни 3-позиция Captiva’га алмашаман». Ўзбекистонда «гиря васвасаси».
Изоҳ (0)