Ўзбекистонда 24 март, пайшанба куни ҳаво ўзгариб туради, мамлакатнинг қатор ҳудудларида ёғингарчилик кутилади. Бу ҳақда «Ўзгидромет» хабар бермоқда.
Хабар беришларича, 23 март куни соат 20:00 дан 24 март куни соат 20:00 гача бўлган оралиқда Тошкент, Самарқанд, Жиззах, Сирдарё, Қашқадарё, Сурхондарё вилоятларида, мамлакатнинг тоғли ҳудудларида ва Тошкент шаҳрида ёмғир ёғиб, момақалдироқ бўлиши мумкин.
24 мартга ўтар кечаси мамлакат бўйлаб ҳаво ҳарорати шимолда ва тоғли ҳудудларда +7...+8 даражагача, шарқий, марказий ва жанубий вилоятларда +10...+15 даражагача кўтарилиши кутилмоқда.
24 март куни кундузи Ўзбекистоннинг тоғли ҳудудларида +13 даража, Тошкент шаҳрида +16 даража, Бухоро, Навоий, Тошкент, Самарқанд, Жиззах, Сирдарё вилоятларида эса +18 даража илиқ бўлади.
Қорақалпоғистон Республикаси, Хоразм, Қашқадарё, Сурхондарё вилоятларида ҳаво ҳарорати +20 даражагача, Фарғона водийси вилоятларида эса +22 даражагача кўтарилади.
Изоҳ (0)