Шу кунларда Sony компаниясининг Xperia Z5 Compact фаблети Тошкент бозорларида сотувга чиқарилди. Шу муносабат билан «Mobinfo.uz» сайти ўқувчиларни смартфоннинг техник тавсифи билан таништириб ўтди.
Смартфон 720p (323 ppi) ечимли IPS-экран, 8 ядроли, 2 ГГц частотали Snapdragon 810 процессори, 2 Гб оператив ҳамда 32 Гб ички хотира, MicroSD-карта слоти билан таъминланган. Янги гаджетнинг тез қувват олиш технологиясига эга аккумулятори ҳажми 2700 мА/соатни ташкил қилади. Телефон Android 5.1.1 операцион тизимида ишлайди.
Смартфоннинг ёқиш тугмаси бармоқ излари сканери билан жиҳозланган. Телефон LTE стандарти бўйича маълумот узатишни қўллаб-қувватлайди. Sony Xperia Z5 Compact камераси — тезкор фокусланадиган 23 мегапикселли Exmor RS 1/2.3”.
Sony Xperia Z5 Compact чанг ва намликдан ҳимояланган.
Тошкент бозорида смартфон нархи 2,9 миллион сўмни ташкил этиши айтилмоқда. Қиёс учун, ундан олдинги модель — Sony Xperia Z5 3,9 миллион сўмга сотилмоқда.
Рўйхатда келтирилган қурилмаларни кўрсатилган нархларда сотиб олишга «Дарё» нашри кафолат бермайди. Қурилмалар ва уларнинг нархлари ҳақидаги ахборот фақат танишиш учун тақдим этилган.
Изоҳ (0)