АҚШ президенти Барак Обама ва Россия президенти Владимир Путин телефон суҳбати давомида Россия қўшинларини Суриядан чиқариб кетишни бошлаш ҳақидаги қарорни муҳокама қилди. Бу ҳақда Оқ уй тарқатган хабарда айтилади, деб ёзади «ТАСС».
«Улар президент Путиннинг бугунги Россия қуролли кучларини Суриядан қисман чиқариб кетиш ҳақидаги баёнотини, шунингдек, низоларни тартибга солиш ҳақидаги сиёсий музокараларда олға силжиш мақсадида жанговар ҳаракатларни тўлиқ тугатишни таъминлаш учун зарур бўлган навбатдаги қадамларни муҳокама қилди», — дейилади ҳужжатда.
Обама сиёсий ўтишни амалга ошириш учун Сурияда зўравонликка чек қўйиш кераклигини таъкидлади, шунингдек, Дамашқ гуманитар ёрдам учун тўсиқсиз имкониятни тақдим этиши кераклигини қайд этди.
Эслатиб ўтамиз, аввалроқ Россия Федерацияси президенти Владимир Путин Россия қўшинларини Суриядан олиб чиқишни бошлашга буйруқ бергани хабар қилинган эди.
Изоҳ (0)