Американинг Forbes журнали АҚШ президентлигига номзодини илгари сурган миллиардер Дональд Трампни барча даврларнинг энг кўп маош олган телебошловчилари рўйхатига киритди, деб ёзади «РБК».
Трамп рейтингга The Apprentice ва The Celebrity Apprentice реалити-шоулари бошловчиси сифатида киритилди. Forbes маълумотларига кўра, 2009- ва 2010 йилларда миллиардернинг телешоуда ишлаб олган даромади тегишли равишда 54 миллион ва 50 миллион долларни, 2012- ва 2013 йилларда эса 62 миллион ва 63 миллион долларни ташкил этган. Рўйхатда Трамп еттинчи ўринни эгаллади.
Рейтингда Опра Уинфри етакчилик қилди, у ўз шоуси орқасидан 2015 йилда 86 миллион доллар ишлаб олган. Иккинчи ўринни America’s Got Talent шоуси бошловчиси Говард Стерн, учинчи ўринни эса Dr. Phil дастури бошловчиси Фил Макгроу эгаллади.
Изоҳ (0)