7 март, душанба куни Татаристон пойтахти Қозондаги Халқлар дўстлиги уйида «Ўзбекистон гўзали» чирой ва истеъдод танловининг финал босқичи бўлиб ўтди. Танлов Гран-приси соҳибаси «Жаҳон дурдонаси» VI халқаро талабалар фестивалида ўз мамлакати номидан иштирок этиш ҳуқуқига эга бўлди, деб хабар беради «Татар-Информ».
Танлов Татаристон Республикаси ўзбеклари миллий-маданий мухторияти ҳамда «Ўзбекистон Республикаси ёшлари» минтақавий жамоат ташкилоти томонидан ўтказилди.
Танлов уч босқичдаги синовлардан иборат бўлди. Биринчи босқичда иштирокчилар ўзлари ҳақида гапириб берди. Иккинчи босқич қатнашчиларнинг ижодий тақдимотларидан иборат бўлди. Ниҳоят, учинчи синовда қизлар ўз истеъдодини намойиш этиб берди, яъни кимдир рақсга тушди, кимдир қўшиқ куйлади, яна кимдир таомлар пиширди, шеърлар ўқиди.
Ҳакамлар ҳайъати натижаларни ҳисоб-китоб қилгунига қадар қўшиқчи Сардорбек Атаниязов чиқиш қилди.
«Ўзбекистон гўзали» ва «Томошабинлар симпатияси соҳибаси» унвонига Қозон Федерал университетининг 19 ёшли талабаси Сабина Мусаева сазовор бўлди.
Бошқа натижалар:
«Мисс мафтункорлик» — Малика Эшмурадова;
«Мисс истеъдод» — Гўзал Мадаминова;
«Мисс табассум» — Лола Малюкова;
«Мисс интеллект» — Динара Раҳмонқулова;
«Мисс тавозе» — Ситора Аҳмедова;
«Мисс мукаммаллик» — Ойша Имомқулова;
«Мисс латофат» — Шаҳноза Эшпўлатова.
Изоҳ (0)